شـــــباب اليومــــــين دول
شوفوا بيقولو ايه وايه المبدأ الجديد بتاعهم
أحسن حاجه تعملها في حياتك انك تعيشها وأنت مطنش كل حاجه بتحصلك وتضايقك.
ولكي تستطيع ان تكون مطنش يجب ان تتبع هذه الخطوات ..
1. تسبيل العينين مصحوبه بنظره بلهاء.
2. فتح الفم 15 سم على الاقل.
3. ابتسامه بلهاء.
4. دلدله الكتفين مع بهدله في المظهر.
5. أظهار علامات التخولوف العقلي.
وكلما أصبحت مطنش أكتر كلما شعرت براحة من الاستفزازات التي تنزل عليك مصحوبة بحرق الأعصاب..
ومن امثله ذلك..
لما تصحى من نومك ممكن تكون اختك او اخوك او والدتك متعصبين من حاجة فبمجرد انهم يشوفوا وشك ينزل عليك وابل من الشتايم وانت مش عارف ايه السبب اصلاً…..كل اللي عليك انك تطنش.
مثال تاني…
تسمع في نشرة الأخبار عن مقتل 60 مواطن في تصادم قطار أو مقتل 100 واصابة 50 في صراع بين دولتين فتشعر بحزن شديد …………. برده كل اللي عليك انك تطنش.
أما الطريف في الموضوع لما تروح تعرف نتيجة الإمتحان فتلاقيك شايل كام مادة ظلم رغم انك واثق من حلك وده ممكن يكون بسبب إن الدكتور وهو بيصحح ورقتك دق جرس الباب ولاقاها حماته الملاك المصون فوق راسه فيقول ان الورقه دي وشها وحش عليه ويسقطك ………. بردو كل اللي عليك انك
تطنش.
( العقل السليم فى حجم الرأس الكبير )
وسيد الحبايب يا ضنايا انت
هل الحال وصل بينا الى هذة الدرجة من السلبية واللامبالاة لغاية امتى هانفضل كدة والحالة من الامبالاة دى هل على كل الشباب ولا فئة معينة بس أرجو من الكل المشاركة وابداء رأيه فى الموضوع
